Сладолед од ванила и вишни
Состојки
- сладолед од ванила
- 250 мл. млеко
- 250 мл. павлака за готвење
- 4 жолчки
- 150 гр. шеќер
- 1 лажичка екстракт од ванила
- за овошјето
- 250 гр. вишни
- 2-3 лажици шеќер
- 1 лажица вишновача
Подготовка
Домашен, млечен сладолед кој може да си го приготвите со додавање на овошје по ваш вкус.
1. Млекото и павлаката се загреваат да бидат жешки (не да вријат)
2. Жолчките се матат со шеќерот за да се добие крем. Постепено, полека се додава млекото со павлаката и постојано се меша на тивок оган додека да се згусне и да се сварат жолчките. Кога е готов се трга од оган се додава ванила и се остава да се олади.
3. Вишните со шеќерот се проваруваат на оган додека шеќерот да се стопи. Се трга од оган и се додава вишновачата (ликерот е по вкус, може да додадете друг или воопшто да не ставате)
4. Кога ќе се оладат на собна температура и сладоледот и вишните можете да го ставите во помали калапи за сладолед (или еден поголем) и да го ставите да се замрзне. Прво ставете еден слој, па ставете го да се подзамрзне, потоа ставете од вишните па повторно од сладоледот од ванила додека не ви се потроши смесата (ова од причина што ако ги ставите вишните одеднаш, ќе паднат сите на дното).
5. На здравје !