Поховани пиперки со кикирики и сончоглед
Состојки
- 10 пиперки
- 2 јајца
- по потреба брашно
- 50 гр сецкани кикирики
- 50 гр сецкан сончоглед
- 5 парчиња топено сирење
- по вкус сол и други зачини
Подготовка
Од обични печени пиперки, испаднаа супер вкусни поховани пиперки. Вкусот на потпржени кикирики и сончоглед во комбинација со пиперки е одличен, пробајте...
Пиперките испечете ги, излупете ги и отстранете ги дршките и семките. Посолете ги и оставете ги малку, додека ги припремите другите состојки.
Пиперките прво се посипуваат во брашно, па во јајце и на крај во секцкани кикирики и се пржат во тава со загреано масло. Половина пиперки ги посипувате во сецкани кикирики, а другата половина во сецкан сончоглед.
Откако ќе се изладат, една похована пиперка поделете ја на половина и на едниот дел ставете половина парче топено сирење и виткајте го во ролничка и ставете чепкалка. Постапката повторете ја со преостанатите поховани пиперки.
Декорирајте со домат и свеж магдонос.