Кекс од моето детство
Состојки
- 3 јајца
- 3 лажици масло
- 1 чаша( за млеко) шеќер
- 125мл млеко
- 2 чаши брашно
- 1 лажиче сода бикарбона
- 100гр крупно сецкан орев
- 100гр сецкани суви смокви
- 50гр сецкан бадем
- 1 ванила
Подготовка
Се враќам години наназад кога мајка ми ни го правеше овој превкусен кекс.
Чашата е за млеко од 240 мл.
Прво се матат јајцата со шеќерот, па постепено се додаваат маслото, млекото, ванилата, содата, орев, бадем, смокви, брашно, пециво.
Убаво со лажица се промешува смесата и се истура во правоаголен плех обложен со хартија за печење.
Се печи на тивко, на 170 степени околу 40 минути.
Проверете со чепкалка, ако е сува готово е, ако не уште некоја минута ќе треба, се во зависност од рерната.
Со млеко и чај идеално за уживање.