Кремаста чоко торта
Состојки
- за тесто
- 8 белки
- 200гр шеќер
- 3 лажици брашно
- 3 лажици презла
- 4 лажици од првиот фил
- 1 пециво
- за прв фил
- 130мл вода
- 150гр шеќер
- 100гр чоколадо за готвење
- 100гр млечно чоколадо
- 70гр какао
- за втор фил
- 8 жолчки
- 50гр шеќер во прав
- 3 лажици рум
- плус
- 200гр маргарин
Подготовка
Има многу верзии на оваа чоколадна торта, но не ја сретнав оваа верзија која според мене е најсочна и има најкремаст фил од сите.
Прво го подговтуваме првиот фил. Водата, шеќерот, какаото, чоколадата ги ставаме на тивок оган и мешаме убаво да се соединат. Го оставаме настрана да се излади.
Матиме 8 белки со 200гр шеќер додека не добиеме цврст шлаг. Го додаваме брашното, презлата, пецивото и 4 лажици од првиот фил. Печиме во загреана рерна на 180 степени 20-25мин.
Почнуваме со подготовка на вториот фил. Жолчките ги матиме со шеќерот во прав и румот. Ги ставаме да се варат на пареа. Смесата ќе биде течна, но не грижете се. Маргаринот го матиме пенасто и му го додаваме првиот фил убаво да се соединат и на крај изладените жолчки. Убаво матиме да добиеме прекрасен кремаст фил. Испеченото тесто го сечеме на 3 ленти и го филоваме со филот. Украсуваме по желба.