Пилешка паштета со бешамел сос
Состојки
- 400 гр пилешко месо
- 3 лажици маслиново масло
- 170 мл готов бешамел сос
- 1 лажица мајонез
- 2 лажици кисела павлака
- сол, црн бибер и мешан сув зачин по вкус
- прстофат гарам масала
- 3-4 ливчиња свеж босилек
Подготовка
Сварете го пилешкото, па исецкајте го на коцкички. Ставете го со маслото во тава и пропржете го. Додадете го бешамел сосот и зачините, измешајте да се спојат и тргнете од оган.
Содржината ставете ја во блендер. Додадете ги павлаката, мајонезот и босилекот исецкан. Изблендирајте.
Послужете намачкано на тостирано лепче, оризови плочки или пак, исто така, одлично оди ако ја вмешате во тестенини.