Тиквички со лобода и пармезан
Состојки
- 1 тиквичка
- 10 листови лобода
- 2 лажици презла
- 1 лажица пармезан
- 1 лажица зачин
- 1/2лажичка бибер
- 3 јајца
- 2 лажици брашно
Подготовка
Да ја искористиме пролетта и тоа што го нуди.
Тиквичката се лупи и се ренда на покрупната страна. Најпогодни се малите потесни тиквички кои не содржат толку вода. Одкако ќе се изренда се посолува со зачин и се остава да одстои 20 минути. Потоа убаво се исцедува вишокот течност и се става триквичката во подлабок сад. Се додава и лободата ситно сецкана. Листовите лобода се многу меки-кревки и нема потреба од претходно обарување. Се додаваат зачините, пармезанот, јајцата и брашното и убаво се меша. Со лажица се зема од смесата и се пржат ќофтенца на врел зејтин и се редат на салфетка да се одцеди вишокот маснотија. Вкусни, лесни, едноставни...