Намаз од сирење и тиквичка
Состојки
- 250гр меко кравјо сирење
- 4 лажици кисела павлака
- 1 лажица сенф
- малку сув босилек
- малку сув магдонос
- 2 главици млад лук
- половина тиквичка
- 1 пиперка
- за домашно миризливо лепче
- 200мл млака вода
- половина свеж квасец
- 4 лажици маслиново масло
- 1 лажичка сол
- 1 лажичка шекер
- 400гр бело ,интегрално и ржано брашно
- 1 главица лук
- 1 лажичка сув босилек
Подготовка
Се става сирењето во блендер заедно со киселата павлака,сенфот, лукот и зачините. Се блендира додека не се добие убава мазна смеса. Тиквичката и пиперката (може да ставите и лута) ги сецкате на ситни коцки и ги додавате во смесата. Мешате со лажица. Го оставате намазот убаво да се излади во фрижидер.
Квасецот се активира со малку вода, шеќер и брашно. Го оставаме да стои 10 тина минути. Откако ќе се запени се додава мешано брашно (бело,интегрално,ржано) сол и масло. Се меси меко тесто и се остава да стои околу 1час. На тестото му се додава босилекот и ситно сецканиот лук. Се формира лепче се става во намрсен калап за векни и се остава да кисни уште 30 тина минути. Се печи во загреана рерна на 200 степени 40 тина минути.Откако ќе се испечи се премачкува со масло и се покрива со кујнска крпа.