Пролетна тава од ќофте и млад компир
Состојки
- 500 гр мелено месо
- 2 тенки кришки сув леб
- 1 јајце
- 3-4 млади кромидчиња
- на врв на ноже енибар
- малку нане, мешан сув зачин, црн бибер, оригано и буковец
- 1 кг ситни млади компири
- 2 лажици маслиново масло и сол
- 1 лажица маргарин
- Прелив
- 100 мл вода
- 100 мл павлака за готвење
- 2 лажици кисела павлака
- 1 лажица доматен сос или пире
- грст ситно сецкан магдонос
- сол, црн бибер и прстофат црвена пипер
- 100 гр кашкавал
Подготовка
Измијте ги и ставете ги компирите во малку солена вода да вријат 3 минути. Потоа, исцедете ја водата.
Во меѓувреме натопете го сувиот леб со ладна вода, исцедете го и ставете го во длабок сад со меленото месо. Додајте ги зачините, јајцето и ситно исецканиот млад кромид и убаво се измашајте. Нека одстои 5-10 минути додека подизладат компирите, а во меѓувреме пуштете ја рерната на 200С да се загрева.
Додадете во компирите 2 лажици маслиново масло и посолете. Убаво измешајте и наредете ги во тавата за печење. Од меленото месо правете ќофтиња и наредете ги меѓу компирите. Одозгора ставете од маргаринот. Печете ги во загреана рерна 25-30 мин.
Спремете го преливот од наведените состојки, така што ќе ги измешате со жица за матење. Ставете се, освен кашкавалот. Извадете ја тавата и прелијте одозгора насекаде. На крај, изрендајте кашкавал. Вратете во рерна уште 15на минути.
Благодарност и поздрав до г-ѓа Дана за идејата за овој вкусен ручек, кој го прилагодив спрема она што сакаат моите домашни и тоа што во моментот нудеше моето кујнско „шкафче“.