Интегрален селски леб со мед
Состојки
- 500 гр интегрално брашно
- 10 гр сув квасец
- 1 лажичка сол
- 1 лажица маслиново масло
- 1 лажичка мед
- околу 350 мл млака вода
Подготовка
Во длабок сад ставете го брашното, квасецот, солта, маслиновото масло, лажичка мед и на крај, со млака вода замесете средно тесто. Оставете го тестото да одмори 30 минути.
Откако ќе нарасне се оформува по желба и се става на набрашнет плех и повторно се остава да одмори 30 минути. Пред печење одозгора може да се стави сончоглед, ленено семе, сусам, семки од тиква.
Се печи на 200 степени околу 35-40 минути.