Бели солзи
Состојки
- за тесто
- 250 гр путер (или маргарин)
- 200 гр шеќер во прав
- 1 јајце
- 100 гр крупно рендано чоколадо за готвење
- 200 гр сецкани желе бомбони
- 100 гр мелени ореви
- 100 гр сецкано суво грозје
- 250 гр мелени бисквити
- 3 лажици рум
- за глазура
- 200 гр бело чоколадо
- 4-5 лажици масло
Подготовка
Убави ситни колачиња кои може да ги искористите како идеја за некој именден или за со добро утринско кафе. Се припремаат за помалку од половина час, а подготовката е следна
Во сад за матење ставете го путерот (или омекнатиот маргарин) со шеќерот во прав и миксирајте додека путерот не стане пенест. Додадете го и јајцето и миксирајте додека смесата не се соедини и хомогенизира. Во садот додајте ги сите други состојки што се за тестото и со лажица убаво соединете. Оставете ја смесата кратко време во фрижидер малку да стегне. Со сукалка развлечете кора и со модличка на солза или било каква модличка по ваш избор) формирајте ги колачите. Ако немате калапчиња по дома може да формирате и бомбици.
Чоколадото со маслото ставете го на пареа да се стопи и чоколадирајте ги колачите. Врз глазурата може да ставите чоколадни топчиња, лешник...
Оставете ги колачите убаво да се изладат и послужете ги
На здравје. Заминав јас да варам кафе
*Забелешка- Мене од оваа доза ми излегоа околу 45 солзички