Крем сос од спанаќ
Состојки
- 1/2 кг замрзнат спанаќ
- 1 рамна лажица брашно
- 250 мл вода
- 200 мл павлака за готвење
- 1 рамна лажица мешан сув зачин
- 1 чајно лажиче црн бибер
- 1/2 чајно лажиче мускатно оревче
- 1 чајно лажиче лук во прав
- 1 лажичка ким
Подготовка
Обарете го спанаќот ако сте го замрзнале необарен или пак ако користите свеж. Оладете и исцедете го, па потоа ситно исецкајте го.
На неколку лажици загреано масло запржете го брашното. Налејте ја водата и додадете го спанаќот. Доколку сакате да користите свеж лук, тогаш испржете го него пред да го додадете маслото. Додадете ги наведените зачини и варете го откако ќе почни да врие околу 5 минути. Потоа додадете ја павлаката за готвење. Откако и таа ќе почне да врие, варете уште 5 минути со лесно мешање.
Тргнете од оган и сервирајте со тестенини, месо, њоки, дури и во пире или пак едноставно измакајте го со леб. Секако е вкусно.