Комбинирана торта со јагоди и урда
Состојки
- тесто
- 5 белки
- 3 жолчки
- 6 лажици шеќер
- 100 гр рендано чоколадо
- 1 лажица брашно
- 1 пакетче пудинг од јагоди
- Фил 1
- 125 гр маргарин
- 125 гр шеќер во прав
- 400 гр несолена урда
- 80 гр рендано чоколадо
- 100 гр сецкани јагоди
- Фил 2
- 300 мл млеко
- 125 гр шеќер
- 1 пакетче пудинг од јагоди
- 2 жолчки
- 1 пакетче ванилин шеќер
- 100 гр бело чоколадо
- 125 гр маргарин
- декорација
- 2 пакетчина шлаг пена
- 200 мл ладно млеко
- 100 гр јагоди
- 20 гр рендано чоколадо
- потребно е уште 150 гр јагоди
Подготовка
1. Изматете ги белките во цврст шам со постепено додавање на шеќерот, а потоа една по една додавајте ги жолчките и продолжете со матење. Додадете ги ренданото чоколадо, брашното и пудингот и со мешалка полека промешајте.
2. Смесата нанесете ја во тркалезен калап со број 26 и печете на 200 степени околу 25 минути. Печениот пандишпан оставете го да излади, па потоа пресечете го на половина.
3. Фил 1
Во длабок сад матете ги маргаринот и шеќерот во прав додека се соединат. Постепено додавајте ја несолената урда и матете повторно смесата да се соедини. Потоа се додава ренданото чоколадо и сецканите јагоди и се меша со лажица.
4. Фил 2
Млекото (200мл), шеќерот и ванилиниот шеќер ставете ги да зовријат. посебно соединете ги жолчките, 100 мл млеко и пудингот и додадете ги во зовриеното млеко и мешајте додека се згусни. Додека е жежок пудингот додадете го белото чоколадо искршено на парчиња и мешајте додека да се стопи. Во друг сад изматете го маргаринот и додадете го изладениот пудинг и матете смесата да се изедначи.
5. На послужавник ставете го првиот пандишпан, премачкајте го првиот фил и наредете ги 150 гр јагоди сечени на листови. Потоа премачкајте 2/3 од вториот фил и ставете го вториот пандишпан. Со преостанатата 1/3 од вториот фил премачкајте ја целата торта и оставете ја во фрижидер малку да се стегне.
6. Во меѓувреме изматете го шлагот со млекото, премачкајте ја тортата и декорирајте со јагоди и рендано чоколадо.