Страчатела торта со јагоди
Состојки
- за тесто
- 2 јајца
- 1 лажица врела вода
- 75 гр. (4 лажици) шеќер
- 1 ванила
- 40 гр. (2 лажици) брашно
- 20 гр. (1 лажица) густин
- 1/2 лажичка пециво
- 2 лажици мелени лешници
- 1 лажица масло
- 4 лажици џем од јагоди (за премачкување на тестото)
- 100-150 гр. свежи јагоди
- за филот
- 300 мл. слатка павлака
- 100 мл. јогурт
- 100 гр. бело чоколадо
- 1 кесичка желатин
- 100 гр. млечно чоколадо (крупно изрендано)
- 5-6 јагоди (ситно исечкани)
- јагоди по потреба за декорација
Подготовка
И оваа торта со комбиниран чоколадно јагоден и кремаст вкус, не е многу комплицирана за подготовка, а мирисна е и лесна за јадење.
1. Јајцата се матат со прстофат сол и 1 лажица врела вода. Се додаваат шеќерот и ванилиниот шеќер, па останатите состојки. Тестото се става во намастен и набрашнет калап на кој му се вади страницата (јас користев со пречник од 23 см.) и се печи на 180 степени околу 20 минути.
2. Изладеното тесто се вади од калапот, се става на чинија и се премачкува со џем од јагоди. Јагодите се сечкаат на тенки парчиња и се распоредуваат врз џемот.
3. ~ Фил ~
Белото чоколадо се топи на пареа. Желатинот се раствора со вода по упатството да набабри, а после се загрева. Слатката павлака се мати и кога е добро (но не премногу цврсто) изматена, се додава растопеното бело чоколадо, јогуртот и загреаниот желатин. Ова треба да се работи брзо. Се меша со миксер добро да се соединат состојките, се додава изренданото црно млечно чоколадо, и тоа се меша, и со добиениот страчатела фил се премачкува тортата на која и е ставен прстенот од калапот.
4. Тортата се лади во фрижидер најмалку 1 час да се стегне филот, се декорира со јагоди или по желба.
Тестото е соодветно на филот, сочно од џемот од јагоди и впиениот сок од свежите јагоди.