Брз десерт во чаша со јагоди
Состојки
- За крем од гриз
- 1/2 л. млеко
- 1/2 шоља (за млеко) шеќер
- 1 ванила
- 7 лажици гриз
- За пудинг
- 1/2л. млеко
- 4 лажици шеќер
- 1 пудинг од ванила
- За овој десерт уште ни е потребно
- по потреба околу 300-400гр. јагоди
Подготовка
Брз, лесен, вкусен, декоративен десерт....
Лапни-голтни... ))))
Најпрво си ги миеме и чистиме јагодите. Ги оставаме на памучна крпа да се исушат.
Го вариме гризот на стандарден начин, штом зоврие млекото со шеќерот и ванилата, го додаваме гризот растворен во малку млекце. Го намалуваме оганот и со постојано мешање вариме до потребната густина.
Веднаш го излеваме во претходно подготвени чаши.(Оваа доза е за 4 чаши.)
Стандардно го вариме и пудингот.
Над гризот ставаме исецкани свежи јагоди, па полеваме со жешкиот пудинг.
Декорираме по желба.
Оставаме да се излади и послужуваме.
Или кој милува можи да си ужива и додека е топол, како на пример - јас....))))
На здравје!