Интегрални хамбургер лепчиња
Состојки
- Тесто
- 400гр интегрално црно брашно
- 200гр бело брашно
- 1 сув квасец
- 50мл зејтин
- 300мл вода(може помалку или повеќе во зависност од брашната)
- 1 лажичка сол
- пола лажичка шеќер
- сусам, ленено семе, сончоглед, ким
Подготовка
Со малку вода го оставаме квасецот да надојде.
Ги ставаме сите состојки и замесуваме тесто.
Го оставаме да скисне околу 40 минути. Потоа се прават мали лепчиња кои се редат на хартија за печење.
Ги оставаме да отстојат 20-25 мин. Пред печење ги мачкаме со малку млака вода и сол, наросуваме сусам, ленено семе, ким и сончоглед.
Печеме на 200 степени од 30-35 минути.
Од оваа смеса испаѓаат 10-11 лепчиња зависно од големината.