Пирошки (со лудо тесто)
Состојки
- за *лудото* тесто по мојот рецепт Пица тарт (со лудо тесто)
- за филот
- 50 гр. пилешка салама (рендана)
- 100 гр. кашкавал (рендан)
- 50 гр. мешано сирење (рендано)
- оригано, шарена сол, по желба кечап
- за похување
- 1 јајце
- презла по потреба масло за пржење
Подготовка
Од тестото од мојот рецепт Пица тарт (со лудо тесто), како идеја добив да направам пирошки и добро испаднаа.
Од тестото се зема количина по потреба, се замесува со брашно понамеко да не лепи и да може да се развлече мала потанка коричка со правоаголна форма или се развлекува поголема танка кора и се сечат правоаголници онолкави колку што сакате да бидат големи пирошките.
Состојките за филот се мешаат со лажица (изборот на состојки може да е по желба), се става фил на едниот дел од тестото, се витка пирошка на која и се виткаат краевите да не испадне филот. Пирошката се валка во изматеното јајце, па во презла и се пржи. Пријатно!