Шварцвалд торта
Состојки
- Пандишпан
- 8 јајца
- 8 лажици шеќер
- 3 лажици брашно
- 5 лажици какао
- Крем
- 3 пудинга од чоколадо
- 750 мл млеко
- 9 лажици шеќер
- 150 гр чоколадо
- 150 гр маргарин/путер
- фил
- 300 мл слатка павлака
- 300 гр вишни
Подготовка
Спојот на чоколадо и вишни особено ми се допаѓа, па ова е една од моите омилени торти.
За подготовката најпрво започнете со кремот, за да има доволно време да се излади. Пудингот го подготвуваме на вообичаениот начин и додека е врел го додаваме чоколадото да се растопи. Го тргаме настрана и го оставаме да се излади.
Продолжуваме со пандишпанот. Се двојат белките од жолчките и белките се бијат во цврст снег со постепено додавање на шеќерот. Во снегот од белки се додаваат жолчките, една по една и се бие со миксер додека не се поврзат. Се додааваат брашното и какаото и се мешаат со жица за матење. Се истура во плехот од рерната, обложен со хартија за печење и се печи 20тина минути во претходно загреана рерна на 180 степени.
Маргаринот се бие, па се додава во оладениот пудинг. Пандишпанот го сечеме на три ленти и секоја ја премачкуваме со кремот, па ставаме вишни и потоа слатка павлака. Така ги премачкуваме сите три ленти. Декорираме со преостанатата слатка павлака.