Пита со блитва и праз
Состојки
- 500г свежи кори
- 3 јајца
- 2 врзопи блитва
- 2 парчиња праз
- 300гр сирење
- 150мл јогурт
- 200мл масло
- 150мл кисела вода
- 1 лажица прашок за пециво
- по желба сол
Подготовка
Блитвата и празот исечете ги и малку обарете ги на пареа. За тоа време подгответе го филот од три изматени јајца во кои ќе го додадете маслото, јогуртот, киселата вода, прашокот за пециво и малку сол. Распосланата кора премачкајте ја со 3-4 лажици од овој фил, врз неа ставете втора кора и пак попрскајте ја со 3-4 лажици од филот. Истата постапка повторете ја до претоследната кора за да се истроши целата количина од фил (може да оставите 3 лажици за премачкување на површината) На последната кора нанесете го филот од блитва и праз измешани со сирењето.
Вака подготвените кори завиткајте ги во ролат и исечете го ролатот како на сликата. За да не се залепи препорачливо е да се стави на плех обложен со хартија за печење. Површината премачкајте ја со остатокот од филот со јајца. Вака подготвениот ролат печете го околу 40 минути на 200 степени. Добар апетит