Видео рецепт: Американски колач со јагоди
Состојки
- За TEСТО ќе ви треба: (чаша 200мл.)
- 3 чаши (400 гр.) брашно
- 2 чаши (400 гр.) шеќер
- 1 лажичка сода бикарбона
- 1 лажичка сол
- 1 лажичка цимет
- 1/2 чаша (100мл.) млеко
- 1 чаша (200мл.) масло
- 4 јајца
- 2 чаши (300 гр.) јагоди
- 1 лажица шеќер за јагодите
- За ФИЛ ќе ви треба:
- 200 мл. слатка павлака
Денес ќе готвиме заедно со Ирена, готвач член на нашата веб-страница. Ирена ќе подготви еден од нејзините најпопуларни рецепти, Американски колач со јагоди.
Оригинален Американски рецепт за колач со јагоди, филуван со шлаг и свежи јагоди.
Подготовка
Чекор 1: Јагодите исечкајте ги, посипете ги со шеќер и оставете ги да отстојат додека се подготвува смесата за тесто.
Чекор 2: Измешајте ги сувите состојки, брашно, шеќер, сода, сол и цимет. Во нив додадете ги млекото и маслото. Изматете ги јајцата и додадете ги и нив. Јагодите исечкајте ги и додадете ги на крај, па измешајте убаво.
Чекор 3: Истурете ја смесата во Ростер тавата и печете 45 минути на 200 степени.
Чекор 4: Изматете ја слатка павлака и откако ќе се излади колачот, декорирајте.
Сечете коцки и сервирајте со декорација од свежи јагоди.
СОВЕТ: Овој рецепт е автентичен за американската кујна, па ви препорачуваме да го подготвите точно според рецептот.