Пита со шунка, домати и сирење
Состојки
- За тесто
- 2 јајца
- 200 гр. кисело млеко
- 150 гр. брашно
- 200 гр. сецкана шунка
- малку сол и бибер
- 1/2 кесичка прашок за пециво
- И уште
- 1 домат
- 100 гр. сирење
- малку сусам, ленено семе и оригано
Подготовка
Во длабок сад се матат јајцата со вилушка. Се додава во нив киселото млеко, се промешува, се додава брашното со прашокот за пециво. На крај се додава сецканата шунка и солта и биберот.
Оваа смеса се става во тавче бр. 26 премачкано со зејтин.
Одкако убаво ќе се распореди во тавчето одозгора се реди доматот исечен на кришки и сирењето исечено на коцки.
Се поросува со сусам, ленено семе и оригано.
Се пече во загреана рерна на 180 степени околу 30 -35 минути.
Кога ќе се испече се остава малку да се излади и потоа се сервира.