Царско месо (скара со маринада)

Подготовка

Овде ќе ви прикажам рецепта, за маринирано мевце кое има специфичен вкус.
Ова ми беше трета тура затоа што спремав малку повеќе месо. Грешката ми е што не направив фотографии со месото на гирото. Но кога се брза и не се мисли добро. Значи со ова сакам да кажам дека ова можете да го подготвите на гиро скарата.
Маринадата спремете ја на следниот начин.

Медот, маслото солта и ѓумбирот измиксирајте ги пополека.
Додавајте копар, доматно пире и ситно сецканиот лук.
Миксирајте и постепено налевајте темно пиво.
Маринадата е спремна со додавањето на сувиот зеленчук.
Оставете ја на страна и подгответе го месото.

Во мојот случај јас го исецкав месото на помали парченца. Така ми беше потребно, а вие не морате да го сецкате.
Ако го оставите цело тогаш во сад наредете ред маринада ред месо, па прекријте со фолија и оставете да отстои околу 2 часа во ладилник.
Кога веќе сте решени да го печете ова царско месо, земајте од парчињата со вилушка и цедете ги од маринадата. Исцедени мевцата се редат на подмаканата скара и се печат по вкус.
Јас имав потреба од мешавина на мевце, па дел од нив ги маринирав, а дел ги печев така како што се.
Кој е мераклија на скара,нека проба од оваа убавина.На здравје нека ви е.

Забелешка

Ваквото маринирано мевце е уште поубаво ако го оставите да отстои преку цела ноќ. Мевцето ќе стане убаво и сочно,а при печењето нема да биде тегаво.

На здравје