Грчки колачи
Состојки
- 3 јајца
- 3 шољи шеќер
- 3 лажици мед
- 1 шоља масло
- 1 шоља млеко
- 1 шоља свинска маст
- 750 гр брашно
- 1 пециво
- За глазура
- 100 гр чоколадо
- 1 лажичка какао
- 5-6 лажици млеко
- 1 лажица путер
- Останати состојки
- 50-60 гр кокосово брашно
- мармалад по желба
Подготовка
Ова се многу меки и вкусни колачиња, а од оваа доза излегуваат баш многу. Мене ми е поинаку запишан рецептов ама во недостаток на одредени состојки мајка ми вака ги направи во една прилика, па произлезе дека овој рецепт е повкусен од мојот. Затоа и ви ги претставувам вака, со овој состав.
Маста ја топиме и ја оставаме малку да подолади. Од сите состојки замесуваме тесто, кое го расукуваме во кора и вадиме колачиња со калап. Ги ставаме на намрсено тавче и ги печеме на 200 степени малку да поруменат. Откако ќе се изладат ги лепиме со мармалад, па ги потопуваме во глазурата од чоколадо и на крајот во кокосово брашно.
За глазурата го ставаме путерот и млекото на тивок оган да се стопи путерот, го додаваме какаото и на крајот коцките од чоколадо.
Шољата е од 150 мл. Користев јајце калапче од Делимано калапчињата за колачи.