Мињони (бомбици) со пијани вишни
Состојки
- 30-35 вишни од слатко
- 70мл рум
- за глазирање
- 150гр црно чоколадо
- 3 лажици масло
- 20гр бело чоколадо
- 1/2 лажиче масло
- смеса за мињони
- 1 белка
- 40гр шеќер во прав
- 100гр растопено црно чоколадо
- 1 лажица мармалад од вишни (кајсии)
- 150гр мелен орев
- 130гр мелени бисквити
- 1-2 лажички рум каде одстојуваа вишните
Подготовка
Многу вкусни мињони.
Прво се вадат од шербетот вишните од слатко и се потопуваат во рум.
Така нека одстојат 10-12 часа или може преку ноќ.
Потоа се цедат од течноста.
Во вангличка се става белката, се мати, се додава шеќерот, мармаладот, чоколадото, бисквитите, оревите.
По потреба се додаваат 1-2 лажичиња рум каде ноќеваа вишните.
Убаво се изработува со рака.
Се зема топче, се расплескува на дланката, се става една вишна и се формира бомбица.
Се редат на послужавник.
Над пареа се растопува црното чоколадо со маслото и секој мињон со помош на вилушка се потопува во растопеното чоколадо.
Се декорираат со бело растопено чоколадо.
Се редат во хартиени корпи.