Солена штрудла со варени јајца и штавељ
Состојки
- За тесто
- 200 гр. бело брашно
- 1 лажичка сув квасец
- 150 мл. јогурт
- 1 јајце
- 1 лажица маргарин
- 1/2 лажичка сол
- 3 лажици масло
- 60 мл. млака вода
- За фил
- 150 гр. штавељ (блитва или спанаќ)
- 1 главица кромид (мала)
- 1 чешне лук (ситно сечкан)
- 1 лажица магдонос (ситно сечкан)
- 2 лажици брашно
- 1/2 лажица сув зачин
- 1 јајце
- малку црн пипер, масло, чубрица
- Дополнително
- 3 тврдо варени јајца
- 50 гр. рендано сирење
- 1 лажица лебни трошки
- 1 лажичка сенф (за премачкување одозгора)
- малку сусам, малку непечен сончоглед
Подготовка
Оригиналниот рецепт за оваа солена штрудла беше со блитва, јас ја направив со штавељ, а може исто така и со спанаќ. Изборот секако е ваш, а е добар начин како можете да ја изкамуфлирате на многумина неомилената блитва или штавељ. Одлична штрудла за вечера или како ладно предјадење.
1. Јајцата се варат тврдо, се ладат и пред редење се сечат на половина по должина.
2. Брашното се просејува, се меша со сувиот квасец, се додаваат останатите состојки и се замесува тестото. По потреба се додава уште малку брашно да биде тестото меко и да не лепи, се остава на топло да се дуплира.
3. Штавељот (или зеленчукот по избор), се мие, се сечка и кратко се бланшира да омекне, се цеди. Кромидот се динста со малку вода, се додаваат останатите состојки за филот освен јајцето и брашното (тие се ставаат последни), се меша добро и се подизладува.
4. Дуплираното тесто се премесува малку, се развлекува во правоаголна кора, насреде се мачка со филот, се ренда сирењето, се посипува со лебните трошки и малку сончоглед. Се редат јајцата со пресечената страна надолу, се витка во ролат, се мачка со сенф растворен со малку вода, се посолува со сусам и се остава на топло да кисне уште 20-30 минути. Се печи на 190 степени околу 30 минути во долг калап за леб намастен со маргарин.
Се лади, се сечи и се сервира.