Полнети јајца со ѓаволски авокадо фил
Состојки
- 8 тврдо варени јајца
- 1 авокадо
- 1 лажица сок од лимон
- 1/4 лажичка лук во прав
- 1/4 лажичка сол
- 2 лажици свежо мелен коријандер
- 3 лажички готов сос од лук
- 2 лажички готов прелив од сенф
- 4-5 листови печеница, кулен, чадена сланина или сувомеснато по желба
- 1/2 лажичка лута црвена пипер
Подготовка
Исечете ги јајцата на половина и внимателно извадете им ги жолчките.
Излупете го авокадото и насечкајте го. Ставете го во сецко заедно со жолчките.
Додадете го лимонот, лукот во прав, солта и коријандерот.
Додадете го сосот и преливот. Сосот и преливот се моја замена за рецептот. Оној кој јади луто, наместо нив нека си додај некој лут сос наместо овие 2 состојки.
Сомелете се убаво во сецкото.
Филовајте ги половинките белки.
Измијте го и избришете го сецкото и во него ставете го сувомеснатото со лутиот пипер. Сомелете на ситни парчиња. Со нив декорирајте ги одозгора полнетите јајца.
• Овој фил освен вака како самостојно мезе, апсолутно можи да се подговти како додаток, прилог на јадења со печено месо.