Њу Орлеанс шпагети
Состојки
- 300гр шпагети
- 100-150 гр мелено месо
- 2-3 млади кромидчиња
- 2 варени јајца
Подготовка
Ја гледав емисијата на Ентони Бордејн, беше во посета на Њу Орлеанс. Па и таму го видов овој рецепт, кој го служеа на улица во чашка. Тенџерето на улицата и кој како поминува си купува, исто како хот-догот во Америка.
Е таму не ја дадоа цела постапка на спремањето, па јас по моја претпоставка го спремив.
Кромидчето заедно со перцата ги сецкаме на не многу ситни парчиња, отприлика 1 см. Го запржуваме заедно со меленото месо.Откако ќе се запржи убаво додаваме вода (или може да ставите и коцка супа во водата). Оставаме да зоврие водата и ги додаваме шпагетите. Откако ќе се сварат шпагетите не ја цедите преостаната вода, бидејќи го служеа со малку водичка во чашката. Одозгора во чашката ставаме половинка варено јајце.
Излезе вкусно....