Солена торта со кељ
Состојки
- 5 јајца
- 8-10 листови кељ
- 2 поголеми моркови
- 1 главица бучински кромид
- 100 гр салама
- 5 варени јајца
- по вкус сол
- по вкус црн бибер
- 2 лажици презла
- декорација по желба
Подготовка
1. Листовите кељ се мијат и се обаруваат неколу минути во зовриена вода со малку сол.
2. Кромидот ситно се сечка и се пржи во тава на оган на умерена температура. Морковот се ренда и се додава во тавата со кромидот. Се пржат заедно и се зачинува по вкус. Се трга на страна да се излади.
3. Ги делиме жолчките од белките. Пенесто се матат жолчките, се додаваат (претходно пржени) кромидот и морковите, сечканата салама, сечканите варени јајца ( јас ги оставив варените жолчки цели, а белките ги исечкав )и презлата. Смесата убаво се промешува.
4. Во друг сад убаво се матат белките, да се добие цврст снег и се мешаат со добиената смеса.
5. Калапот се премачкува со масло и презла (откако ќе се испечи, полесно се одвојува од калапот и има крцкава вкусна кора). Потоа на дното и странично се редат обарените листови кељ и внимателно се става од смесата и на крај повторно одозгора се редат листови кељ, се премачкува со масло.
Се печи во загреана рерна на 180 степени околу 45-50 минути.
Јас декорирав со рендано сирење, потпечен сусам и црвен пипер.