Посни фурнаринки со палента
Состојки
- тесто
- 260 гр брашно
- 70 гр палента
- 60 мл масло
- околу 150 мл вода
- 70 гр потпечен сусам
- 1 лажица мелено ленено семе
- 1 лажиче кари
- 1 лажиче сол
- половина лажоче шеќер
- половина кесичка сув квасец
- за премачкување
- 1 лажица масло
- 2 лажици вода
Подготовка
Фурнаринките се многу вкусни и крцкави, можете да ги комбинирате со разни салати и сосови или да ги приготвите за лесна вечера.
1. Во мал сад меленото ленено семе го полеваме со малку вода, се промешува и го оставаме да згусне.
2. Во сад за месење ги ставаме брашното и палентата, ги промешуваме.
3. Ги додаваме маслото, лененото семе, една лажичка кари, една лажичка сол, половина лажичка шеќер, сусамот и половина кесичка сув квасец и со млака вода замесуваме тесто. Тестото го оставаме на топло најмалку половина час или додека нарасне.
4. Го размесуваме тестото и го делиме на три еднакви делови. Од секој дел расукуваме не многу дебела кора и вадиме форми по желба. Формите ги редиме во тепсија обложена со хартија за печење и ги премачкуваме одозгора со масло и со вода.
Печеме во загреана рерна околу 20 минути на 200 степени.