Телешки сочен бифтек со сос од печурки
Состојки
- 250гр телешки бифтек
- 250гр свежи шампињони
- Зачини и додатоци
- 1/2 лажиче мешавина од бел,црве,зелен,црн бибер
- 1/2 лажиче природен зачин од сол со билки
- 50г путер за пржење
- 1 лажица сенф дижон
- 50мл бело вино
- сол по желба
- За прилог
- 1 китка листови блитва
- 2 средни компири
- 1 морков
- 1, 2 шери домати за декорација
Подготовка
Еве ме и мене со рецепт од месо. Откако најдовме домашно телешко месо од Осоговскиот регион и кај нас дома замириса на месо...
Две парчиња исечени на не многу голема дебелина ги посолувам со зачин од 4 вида бибер и зачинска сол и ги оставам така околу 10тина минути. Парчињата бифтек ги пржам на путер по 4-5 мин од двете страни, бидејќи не обожавам крвав бифтек. Го тргам бифтекот настрана. Во истото тавче со путер ги ставам исечените свежи шампињони, кога ќе поруменат го наливам виното и сенфот и додавам малку сол и зачин. Со вака приготвениот прелив ги преливам парчињата бифтек сервирани врз претходно обарени (3-4 мин) листови блитва и сервирам со обарени парчиња компир и морков. За декорација шери домат.
Добар апетит...