Мексиканска салата (посно)
Состојки
- 1 кг домати
- 0.5 кг маслинки
- 0.5 кг пченка
- 0.3 кг интегрален ориз
- 1 главица кромид
- 1 китка магдонос
Подготовка
Одличен рецепт за деновите на пост, но и потоа. Салата изобилува со богати бои и вкусови.
Доматите се сецкаат на поситни коцки.
Се отстранува семката од маслинките и се сецкаат (користам обично каламата).
Пченката се вари, се цеди и лади на цедалка и се додава на маслинките и доматите. Интегралниот ориз се вари 15-тина минути да омекни и исто така се мие , се цеди и се додава на останатата смеса. Кромидот и магдоносот ситно се сецкаат и се додаваат на целата смеса.
Смесата се меша убаво и се зачинува со маслиново масло (може црн пипер и сол по вкус).
Најдобро е да се конзумира веднаш откако ќе се приготви.
Добар апетит!