Јуфки со пржени јуфки - ундиета, ЈХ ден (посно)
Состојки
- 500 гр јуфки
- малку масло за пропржување
- 50-100 гр кршени јуфки
- сол, бибер и други зачини по желба
- рендано сирење за не посна варијанта
Подготовка
Да знаат бабиве дека со нивните рецепти диети тераме... ехеее =))
Јуфките варете ги на вообичаениот начин. Во врела вода додадете ги јуфките и намалете ја јачината на огинот.
Помалата количина на јуфки искршете ја со раце со парчиња, големина по желба. Во мало тавче ставете масло колку да го прекрие дното и убаво зарејте го. Додадете ги кршените јуфки и пропржете ги додека да заруменат.
Пропржените јуфки додадете ги во садот со сварени и процедени јуфки и убаво промешајте. Внимавајте кога ќе ги додавате пропржените кршени јуфки, може да прска маслото.
Оние кои не постат или малку ја заобиколуваат ундиетата може да додадат малку рендано сирење.