Смокварки мафини (посно)
Состојки
- 350гр. брашно
- 1/2 прашок за пециво
- 200гр. шеќер
- 50гр. суво гројзе
- 100гр. мелени лешници(ореви или бадеми)
- 150гр. зејтин
- 250мл. кисела вода
- 1 кесичка ванилин шеќер
- 18 свежи смокви
- глазура
- 50гр. чоколада за готвење
- 2 лажици масло
Подготовка
За подготовка на овој рецепт ви е потребно малку време,свежи смокви знам дека се тотално вон сезона моиве се од замрзнувач кои ги ставам за подготовка на штрудлички и други рецепти со смокви како и за овие преубави мафини.
Подготовка.
1. Сите суви состојки ги мешаме во пластичен сад. Киселата вода и маслото постепено ги додаваме и мешаме со маталка(рачно). Смесата треба да ни биде мазна и малку по густа од смеса за палачинки, значи доколку ви е погуста слободно додадете вода.
2. Во силиконскиот калап предходно намрсен со помош на силиконска четка ставаме по една смоква и налеваме од смесата колку да се прекрие смоквата(не ги полнете мафините до крај).
3. Печеме на 180степени околу половина час. Ги вадиме мафините оставаме да се оладат и ги полеваме со глазура од растопена чоколада на пареа со малку масло.
Декорираме со јаткасти плодови(ореви,лешници,бадеми).
Добар апетит!!!