Пита со праз и сусам (посно)
Состојки
- 500 гр. брашно
- 40 гр. квасец (пресен)
- 300 мл. топла вода
- 200 мл. масло
- 1 лажиче сол
- 50 гр. сусам
- 2 страка праз
- 1 лажиче шарена сол
- 1/2 лажиче чубрица
- 1 киска магдонос
- сув зачин, ленено семе, прстофат шеќер за нараснување на квасецот
Подготовка
Посна пита која се подготвува без многу мачнотија, а сепак по желба може да варира и во мрсна опција. Убава за појадок или за било кое време во денот.
1. Топлата вода, квасецот и прстофат шеќер се мешаат и отстојуваат малку.
2. Потоа се додаваат маслото, солта, брашното, сувиот зачин, шарената сол и чубрицата. Се меша сето со лажица.
3. Се додава исечканиот на кругчиња праз, исечканиот магдонос (за мрсна варијанта сирење или изварка) и се измесува добро.
4. Во намастена тава бр.30 се плеска рамномерно тестото, се посолува со многу сусам одозгора и малку ленено семе, со прсти се натапкува убаво, и се остава да нарасне 15-20 минути.
5. Се пече на 200 степени 20 минути и уште 10 минути на 180 степени.
Се сече подизладено.
Наместо праз може да се стави пресно кромидче или спанаќ