Посни гнездо-банички
Состојки
- 500 гр. готови кори
- 1 коцка свеж квасец
- 1/2 пакетче пециво
- 300 мл. млака вода
- 1 лажичка шеќер
- 1 лажичка сол
- 7 лажици брашно
- 200 мл. масло
- уште ќе е потребно
- 100 гр исецкани маслинки
- 2 млади кромитчиња
Подготовка
Еве уште една идеја за време на пости што да си направите за доручек, брзо и вкусно.
Квасецот се става во сад со лажичка шеќер, лажица брашно и малку од топлата вода да се активира. Во набабрениот квасец се додава останатата топла вода, масло, сол, преостанатото брашно и пециво. Смесата убаво се промешува да се изедначи и да се хомогенизира. Треба да е нешто налик на смеса за палачинки.
Се зема по една од корите и се премачкува со 4-5 лажици од смесата. Се витка како баничка. Постапката ја повторуваме додека не ни се потрошат сите кори. Се редат со тава за печење и врз секоја од формираните банички во средината се става по една лажица од течната смеса и се редат ситно исецканите маслинки и млади кромитчиња.
Се печат во загреана рерна на 180 степени 15 мин.