Буковка во сос од кисело млеко (може и посно)
Состојки
- 500гр буковка-печурки
- 100гр путер
- 1 лажица брашно
- 200мл кисело млеко
- 1 лажица сенф
- 1 лажица зачин
- 1 лажица сув босилок
- 1/2 чешне лук
Подготовка
Печурките се мијат под млаз вода и се оставаат да се исцедат. Откако ќе се исцедат убаво се бришат со салфетка и се ставаат во тава на оган во која претходно има загреано путер. Убаво се пржат од двете страни.
Во маснотијата од печурките се додава брашното и се запржува. Се додава киселото млеко, ловоровиот лист, зачините и се остава да проврие 2-3 минути. По потреба може да се додаде малку водичка. Сосот се покира со капак и се остава 5 минути покриен да се спојат зачините. Може да се користи како прилог кон печење или пак како самостоен оброк. За тие што постат мкекото може да се замени со вода.