Коприви со праз и кромид (посно)
Состојки
- 1 кг исчистени коприви
- 1 средна главица кромид
- 1 страк праз
- 3 црвени суви пиперки
- 150 мл вода
- по вкус сол
- 1 лажица црвен пипер
- 1 лажичка мешан сув зачин
- масло за пржење (околу 50 мл)
- 1 лажица брашно
Подготовка
Добро познато е дека копривите се доста корисни за крвта и соджат голем процент на железо.
Најпрво копривите ги миеме во 3-4 води и потоа ги попаруваме со врела вода и оставаме да одстојат околу 5 мин. Потоа ги цедиме и ги ставаме во загреано масло. Го додаваме исецканиот кромид, праз и исецканите пиперки. Го додаваме и црвениот пипер и водата. Оставаме сето тоа да се обари т.е омекне и кога водата ќе испари додаваме брашно и пржиме уште 10 мин. Додаваме сол и мешан сув зачин. Пробајте!