Манџа за мерак
Состојки
- 500 гр спанаќ
- 500 гр мелено месо
- 1 чаша ориз
- 1 мала главица кромид
- 1 поголем морков
- 1 тиквичка
- 120 мл доматно пире
- 1 лажиче ким
- 1/2 лажиче шарена сол
- 1 лажица мешан сув зачин
- 1 чајно лажиче црн бибер
- 1 лажиче сув босилек
- 1 лажиче црвен пипер
- 50на мл маслиново масло
Подготовка
Најпрво ситно исецкајте ги спанаќот, кромидот и тиквичката на коцки. Морковот изрендајте го.
Во поголемо тенџере ставете го маслиновото масло да се загрее, па додадете го кромидот и меленото месо да пржат додека испари течноста. Потоа додадете ги оризот, тиквичката и морковот, па пропржете ги неколку минутки пред да го додадетеспанаќот и 1 чаша вода. Мешајте додека издинста, па додадете го доматното пире и уште 2-3 чаши вода. Ставете ги зачините, кои секако можи да ги измените или регулирате спрема ваш вкус доколку сакате и оставете го да вари со повремено мешање на среден оган. Пред крај, црвената пипер растворете ја во вода или пак запржете ја во малку масло и додадете ја во манџата. Ако правите запршка, можи да ставите и едно кафено лажиче брашно за погуста и покремаста структура на јадењето