Кремасти мафини со брусници
Состојки
- тесто
- 2 јајца
- 100гр шеќер во прав
- 2 лажици мед
- 100гр омекнат путер
- 200гр брашно
- 40 мл млеко
- 1 лажиче пециво
- 80гр брусница
- ганаш крем
- 100гр шеќер
- 50гр путер
- 50мл слатка павлака
- и уште
- 100гр слатка павлака
- 100гр бело чоколадо
- чоколадни трошки и хартиени 12 корпи
Подготовка
Многу декоративни и вкусни мафини
Прво се става во вангличка путерот со шеќерот во прав и се мати.
Потоа се додаваат медот, жолчките, се мати, па се додава млекото, пецивото, брашното и брусницата. На крај се додава снег од 2 белки. Убаво се промешува и се полнат хартиените корпи по 2/3.
Се печат околу 20 минутии на 180 степени.
За тоа време се спрема кремот.
На тивок оган се растопува 100 гр кристал шеќер, да карамелизира.
Потоа во него се додаваат путерот и слатката павлака и се меша на тивок оган да се изедначат.
Се остава на собна температура да се излади.
Сега во друга касерола се растопуваат белото чоколадо и слатката павлака. Не смеат да провријаат.
И ова нека се излади на собна температура.
Сега 2 смеси се соединуваат во еден сад и се оставаат во фрижидер 1 час да се изладат.
Потоа се мати смесата со миксер до згуснување, се полни во шприц и се украсуваат испечените мафини.
Се декорираат со чоколадни трошки.
Уживајте во убавиот вкус.