Пилешко со брокула и сланина во бешамел сос
Состојки
- 300 гр пилешки гради
- две помали гранки брокули
- 150 гр сланина
- 150 гр кашкавал
- Бешамел
- 1 и пол шолја млеко
- 1 лажица брашно
- по потреба масло
- Зачини
Подготовка
Брокулата ја киниме на тенки парчиња и ја вариме. За тоа време го пропржуваме пилешкото во тавче. Кога ќе биде готово, ја пропржуваме и сланината.
Кашкавалот го сецкаме на мали коцкички и сите состојки ги ставаме во тава
Откако ќе ги распоредиме состојките, го правиме бешамелот.
Ставаме една лажица брашно во загреано масло и со постојано мешање го додаваме млекото. Додаваме една лажица мешан сув зачин и бешамелот е готов. Го преливаме врз состојките во тавчето и го ставаме тавчето во рерна на 180 степени на 15 до 20 минути.
Добар апетит!