Видео рецепт: Посни Американски палачинки
Состојки
- Ќе ви треба (чаша 240мл):
- 1 лажица мелено ленено семе
- 3 лажици вода
- 1 чаша пченкарно брашно
- 1/2 чаша бело брашно
- 1/2 лажичка прашок за печиво
- 1 рамна лажичка сода
- малку сол
- кора од еден лимон
- 2 лажици сок од лимон
- 4 лажици мед (Или 2 лажици мед, 2 лажици јаворов сируп)
- 1 чаша растително млеко
Фичо ќе направи посни Американски палачинки со пченкарно брашно.
Подготовка
Чекор 1: Во сад измешајте го меленото ленено семе со водата и оставете ги да отстојат 10 минути.
Чекор 2: Во друг сад измешајте ги сувите состојки, пченкарното и белото брашно, прашакот за пециво, содата, солта и кората од лимон.
Чекор 3: Во трет сад измешајте ги течните состојки, сокот од лимон, медот и јаворовиот сируп со растителното млеко.
Чекор 4: Сите состојки измешајте ги и додадете им 3 лажици масло за убаво да се спојат. Мешајте додека не добиете хомогена смеса.
Чекор 5: Загрејте ја Тавата за палачинки на ниска температура и печете околу 1 минута.
Чекор 6: Сервирајте со мед, јаворов сируп или чоколаден прелив како засладувач, со овошје и јатки по желба.
СОВЕТ: Внимавајте да не ставите премногу сода, бидејќи така палачинките ќе горчат.