Посна торта со урми и ореви
Состојки
- За бисквит
- 200 гр шеќер
- 125 мл масло
- 125 мл овошен чај
- 260 гр брашно
- 1 лажичка пециво
- 1 ванилин шеќер
- За фил
- 500 мл вода
- 2 пудинга од чоколадо
- 6 лажици шеќер
- 1 ванилин шеќер
- 25 мл рум
- 100 гр мелени ореви
- 200 гр урми без семка
- За преливање на бисквитот
- 25 мл рум
- 25 мл вода
Подготовка
Ако сакате да се заблажите за време на пости еве една вкусна, слатка тортичка, која е вистинско заблажување и за оние кои не постат.
Подготовка
1. Сите состојки за бисквитното тесто се мешаат, се истура во тавче смесата. Се расплескува со рака и се пече на намрсена хартија во тавче бр.26 на 180 степени околу 30 минути.
2. Откако ќе се излади се сече на два дела и секој дел се прелива со рум измешан со вода.
3. Се прави пудингот, на крајот се додава и румот и се остава да се излади.
4. Урмите се ставаат во блендер или сечко и се мелат. Доколку ви се суви додека ги мелете, додадете од смесата со пудинг и мелете до совршено мазна структура (па добро и не мора толку да е совршена).
5.Сомелените урми и мелените ореви се спојуваат со изладениот пудинг и тоа ни е филот. Се филува тортата и се украсува по желба.
Забелешка
Јас претпочитам чај од портокал, ама при оваа подготовката имав чај од боровница. Тестотот е погусто, па затоа е потребно да го расплескате убаво. Тортичево е благо, ако сакате умерено да биде благо, намалете го шеќерот во тесто, ама во тој случај не знам како би испаднал пандишпанот. Користев пресовани урми без семка.