Видео рецепт: Пилешко во Јамајканска маринада
Состојки
- 1 кг. пилешки батаци
- За МАРИНАДА ќе ви треба:
- 4 чили пиперчиња
- 4 чешниња лук
- 2 лажици мајчина душица
- 1 лажиче мелено каранфилче
- 1/2 лажиче цимет
- 1 лажичка морско оревче
- 50 мл. Ворчестер сос
- црн бибер и сол
- маслиново масло
Фичо ќе подготви пилешки батаци во маринада на Јамајкански начин.
Подготовка
Чекор 1: Засечете ги батаците за да попримат од мирисите и вкусовите.
Чекор 2: Сите состојки за маринадата убаво измешајте ги. По желба, за уште поегзотичен вкус, додајте и сечкан ананас.
Чекор 3: Загрејте ја Вок тавата и запржете ги батаците, само колку да се затворат порите. Додадете Ворчестер сос и ставете ги да се печат. Печете на 200 степени 20 минути.
Чекор 4: Додека се печат батаците, подгответе ја подлогата за сервирање. Исецкајте малку црвена и зелена пиперка и измешајте ги со малку сусам и маслиново масло. Исецкајте малку Ајсберг салата и додадете ја во пиперките. Измешајте и подлогата за сервирање е готова.
СОВЕТ: Уште подобро е ако го оставите месото да отстои во маринадата неколку часа пред да го готвите .