Гурманско грне
Состојки
- 2кгр кисела сецкана зелка
- 600гр свинско месо- удина и малку со коска
- 300гр пушена сланина
- 2 лути суви пиперки
- 1 страк сецкан праз
- зачин, сол, бибер, ловоров лист, црвен пипер, вода, расолница по потреба
- за тесто
- 125 мл вода
- 250гр брашно
- 1 лажица свинска маст
- 100мл масло
Подготовка
Останаа уште 3-4 зелки од расол, па еве додека не е затоплено го направив овој ручек за денес,
Прво во вода се става измиеното свинско месо да се обари на оган околу 1 час.
Потоа во тава се ставаат маслото и маста и се става сецканата зелка и се пржи на тивко околу 1-1,30 час. Пред крај се додава и испржениот праз.
Се додаваат сите зачини, убаво сето се промешува да се соедини и се зема едно земјено грне.
На дното на грнето се става од зелката, па оди 1 лута пиперка, па парчиња од вареното месо и пушена сланинка.
Постапката се повторува уште еднаш, за да се истроши материјалот.
Се полива одприлика со 150 мл вода и 150 мл расолница.( колку да го покрие)
Се става капакот на грнето.
Сега се замесува тесто од вода и брашно и со тестото се облепува грнето кај капакот.
Оди во рерна на 160 степени околу 2 часа.