Мафини од сув леб
Состојки
- 1/2 векна сув леб
- 3 јајца
- 1 лажиче сол
- 1 лажиче оригано
- 100 мл јогурт
- 150 гр сирење
- 100 гр шунка (сечкана на коцкички)
- 12 кругови шунка (од малите црева шунка)
- 12 лажичиња ајвар
- малку маргарин (за премачкување на калапите)
Подготовка
1. Се матат јајцата со жица за матење и во нив се додава солта, јогуртот, сирењето, дробениот сув леб, ориганото и ситно исечканата шунка
2. Сето ова се меша
3. Калапите за мафини се премачкуваат со маргарин
4. Во секој отвор се става по еден круг од шунката( користев шунка во мали црева за да може да ги собере во калапите), па врз неа се става смесата од бајат леб и се израмнува
5. Секој мафин се премачкува со по едно лажиче ајвар, се реди пак со некоја лента од шунката, се посипува со малку оригано и се пече околу 30 мин во загреана рерна на 180 С
6. Се служи со маслинки