Видео рецепт: Наградувани Американски колачи
Состојки
- Ќе ви треба (1 шолја = 240 мл):
- 4 ½ шолји сенаменско брашно
- 2 лажички сода
- 2 шолји омекнат путер
- 1 ½ шолји кафеав шеќер
- ½ шолја обичен шеќер
- 2 пакетчиња ванила пудинг (околу 100гр)
- 5 јајца
- 2 лажички ванила екстракт
- 4 шолји чоколадни парченца (или можете 200гр. чоколадо за готвење)
Фичо ќе го претстави најнаградуваниот рецепт за класичните Американски колачи.
Подготовка
Чекор 1: Рерната загрејте ја на 190 степени и штом ја отворите, намалете ја на 175 степени. Со самото отварање на рерната температурата ќе се намали.
Чекор 2: Во брашното додадете ја содата и убаво промешајте. Во голем сад за матење соединете ги путерот и двата вида шеќер. Додадете го пудингот и матете додека не се соединат. Додадете ги јајцата и ванила екстрактот. Соединете ја смесата со брашното, убаво изматете и додадете го чоколадото. Мешајте со шпатула.
Чекор 3: Дозирањето на колачињата е со лажица. Доколку сакате помали колачиња, слободно можете да ја намалите дозата од лажицата.
Чекор 4: Печете ги во Ростер тавата и внимавајте да ги поставите подалеку едно од друго за да не се залепат при печење. Печете ги околу 10-12 минути.
Готови се кога краевите на колачите ќе станат златно кафеави.
Чекор 5: Сервирајте.
СОВЕТ: Откако ќе ја спремите смесата за колачи, можете да ја оставите во фрижидер, така ќе добие подобра структура и колачите ќе бидат помеки во средината.