Прилог од грашак
Состојки
- 600 гр замрзнат грашак
- 120 гр сувомесната сланина, свински врат или печеница
- 1 мала главица кромид
- 3-4 лажици масло
- по вкус мешан сув зачин, рендано морско оревче, сол и бибер
- 1 чаша од 250 мл жешка вода
Подготовка
Кромидот ситно исецкајте го, а сувомеснатото исечете го на средни коцки. Овде јас употребив печеница (таа ми се најде во фризот).
Ставете ги заедно да се запржат во тава со маслото, малку да омекнат. Потоа додајте го грашакот, налејте го со водата и додајте ги зачините по вкус. Оставете да вари додека течноста испари и зрната грашок омекнат.
Зависно од тоа колку грашакот брзо се вари, водата додавајте ја по потреба, ако треба и повеќе.
Вака подготвениот грашок може да го послужите како прилог на печено месо или како самостоен ручек со некоја салата.