Раванија
Состојки
- 6 јајца
- 6 лажици шеќер
- 1 пакетче ванилин шеќер
- 8 лажици гриз
- 4 полни лажици брашно
- 1 полно лажиче пециво
- рендана кора од 1/2 лимон
- Шербет
- 600гр. шеќер
- 600мл. вода
- 3 лажички сок од лимон
Подготовка
Едноставен рецепт за раванија, ама некогаш едноставните рецепти се и најубави.
Подготовка
Рерната вклучете ја да се загрева на 180 степени.
Тавче со димензии 36/20 премачкајте го со зејтин и набрашнете го.
Во длабок сад во кој ќе матите, скршете ги јајцата и додадете ги двете врсти на шеќер. Матете со најголема брзина додека да добиете густа, светла и кремаста смеса. Намалете ја брзината на миксерот и додадете го гризот, брашното помешано со пецивото и на крај кората од лимон. Измиксајте кратко колку да се спојат состојките и ставете ја смесата во тавчето. Печете 20 минути додека тестото одозгоре да порумени и краевите се одлепат од тавчето. Извадете го рерна и оставете на страна да се подизлади па исечете ја на парчиња.
Подготовка на шербетот
Шеќерот и водата ставете ги да се варат и мешајте со лажица додека шеќерот да се истопи. Варете на умерена температура и откако ќе зоврие варете го шербетот 5-6 минути. 2 минути пред крајот додадете го сокот од лимон. Тргнете го на страна да „одмори“ некои 5-6 минути,па налејте ја млаката раванија со топлиот шербет.
Оставете така да излади раванијата па ставете алу фолија одозгора и ставете ја во фижидер. После 3 часа спремна е за сервирање.
Доколку сакате раванијата да е повисока печете во помало тавче или зголемете ја дозата на состојки.