Ролат колачиња со мармалад и брусница
Состојки
- Тесто
- 200 гр путер омекнат на собна температура
- 150 шеќер
- 2 кесички ванилен шеќер
- 2 средни јајца
- прстофат сол
- рендана кора од портокал или лимон
- 400 гр брашно
- За фил
- 2-3 лажици мармалад од кајсии
- 50 гр сува брусница
Подготовка
Во сад ставете ги сите состојки за тесто и замесите изедначено, мазно тесто. На хартија за печење со сукало развлечите правоаголна кора дебела околу 5-6 мм.
Заедно со хартијата префрлетеја на соодветно плехче и оставете ја во фрижидер малку да се стегне околу 10-15 минути за поубаво да се витка. Но внимавајте да не е оставите предолго зашто ќе се исуши и ќе се крши.
Извадете ја од фрижидерот и намачкајте ја со мармалад и посипете ја брусницата. Завиткајте ролат и ставете го во замрзнувач околу 1 час да се замрзни.
На два плеха ставите хартија за печење и рерната вклучете ја да се загрева на 180 степени.
Од ролатот сечите парчина од 7- 10мм и редете ги во плехот, одалечени за да не се залепат при печењето.
Се печат околу 15 - 17 минути, да останат светли.