Пура баклава со лешници и таан
Состојки
- 500г свежи кори за баклава
- 250гр лешници
- 3 лажици цејлонски цимет ( обичен 1 лажица)
- 10 лажици таан
- 5 лажици ливадски мед
- 200 г путер или маргарин
- За шербет
- 500г шеќер
- 1/2 лимон
- 200 мл вода
Подготовка
Се мешаат лешниците, гризот, таанот и медот. Секоја кора се посипува на едниот крај со тесен слој од филот за да се добие тенок ролат. Се витка во ролат и се става во подмачкана тава со путер. Истата постапка се повторува со остатокот од корите додека не се потроши целиот фил. Ролатите потоа се сечат со должина од 6см и се преливаат со претходно растопениот путер. Се пече во загреана рерна на 200 степени.
За тоа време се подготвува шербетот. Водата и шеќерот се варат околу 5минути откако ќе зовриат. При крајот се додава лимонот исечен на резанки. Се остава да се олади и печената баклава се прелива со изладениот шербет. Пријатно!
Овој рецепт го правев минатата година, ете толку време не сум активна на странава... А сега кога видов која цена стигнале лешниците ццц....Оваа година за прочка друг рецепт за баклава ќе бараме...Или уште поубаво не правиме баклава...