Крем чорба од прокељ, брокула и аспарагус
Состојки
- 2 средни компири
- 3 средни моркови
- 2 средни главици кромид
- 300г брокула
- 300г прокељ
- 200г свеж или мариниран аспарагус(јас користев мариниран)
- 2 чешниња лук
- 2 гранчиња ловоров лист
- бел бибер во зрна
- 3,4 листови пршута за декорација
- по желба био зачин
- по желба масло
- по желба сол
- 1 лажичка путер
Подготовка
Компирот, кромидот, морковот, дршките од брокула, лукот исечени на крупно, заедно со ловоровиот лист и белиот бибер во зрна ги вариме во вода зачинета со 1 коцка за супа околу 30 минути. Вака обарениот зеленчук го блендираме, но претходно ги одстрануваме листовите од лорбер. На тава со малку путер ги пропржуваме прокељот и брокулата и аспарагусот доколку е во свежа форма. Додаваме малку вода и динстаме само неколку минути. Посолуваме и зачинуваме. Изблендираниот зеленчук го истураме во тенџере ставаме маслиново ладно цедено масло и ги истураме прокељот, брокулата и аспарагусот исечени на сакана големина. Вариме да се соединат состојките 5 минути. Сервираме со 1 тенок лист пршута и свеж магдонос. Добар апетит.